Quen somos

Punto e Coma é unha tenda de obxectos bonitos na que poderás atopar as últimas tendencias que triunfan en todo o mundo. Punto e Coma é máis ca unha tenda de agasallos, é máis ca unha libraría. É ese espazo que imaxinas cando queres perderte entre ducias de obxectos marabillosos e encontrares esa chulada ideal para cada momento, para cada agasallo.

En Punto e Coma poderás atopar obxectos de regalo de gran calidade, beleza e orixinalidade para crianzas e público adulto. Contamos coa liña de xogos, crebacabezas e demáis brinquedos da casa catalá londji, que nestes anos foi gañando prestixio grazas aos seus obxectos ilustrados: puzzles, xoguetes tradicionais e modernos (buxainas, ioiós, tatuaxes efémeras etc) Tamén poderás adquirir obxectos para a casa e para a oficina nos que prima o deseño: útiles que che fan a vida máis doada ou que engaden ese punto bonito que ten o ambiente cotián.
Para satisfacer a demanda de quen busca agasallos diferentes e con garantía de éxito, temos tamén unha fabulosa selección de libros bonitos para público infantil e adulto, a mellor escolma das máis prestixiosas editoriais: Kalandraka, Impedimenta, Bárbara Fiore, Libros del Zorro Rojo, Combel, etc.

Facéndote amig@ de Punto e Coma desfrutarás dun 5% en todos os nosos produtos.